martes, 23 de septiembre de 2014

Manifestación por el derecho a decidir; Aborto libre, seguro y gratuito (28 Sept. OVD)

La Plataforma Feminista d’Asturies convoca esti 28 de setiembre a les 12:00 una manifestación dende la Estación de Renfe n’Uviéu, reivindicando’l drechu a decidir l’albuertu llibre, llegal, seguru y de baldre.

Les opresiones sufríes poles muyeres pol fechu de selo esixen l’aición escontra un sistema patriarcal que día a día nun se conforma con caltener les dominaciones yá esistentes, sinon qu’intenta arramplar colos drechos algamaos a base d'organización y movilización durante munchos años.

La llucha pola soberanía, ye tamién la llucha pa que n’Asturies seyamos soberanos sobre los nuesos cuerpos, ensin imposiciones, opresiones nin dominaciones de nengún tipu, nin de nengún poder económicu, políticu, o relixosu.
Poro, llamamos a participar na movilización nel bloque #LluchandoPolaSoberanía .

¡Por una Asturies llibre y feminista!


No hay comentarios:

Publicar un comentario