Llucha pol caltenimientu del seutor.
La
manifestación convocada polos sindicatos mineros na capital del reinu
cuntó col ésitu asperáu, congregando a decenes de miles de persones,
tanto trabayadores del seutor mineru, como habitantes de les cuenques,
prexubilaos ya obreros d'otros ámbitos qu'acudieron en solidaridá dende
diversos puntos del estáu, amás de numberosos cabezaleros del ámbitu
políticu, sindical ya institucional asturianu, que tuvieron presentes
nesta nueva cita en defensa del carbón.
La nota conflictiva punxéronla una vegada más les fuercies
policiales, que nuna aición desproporcionada cargaron escontra dellos
mineros organizando un alfrentamientu nel que los mineros, una vegada
más, respondieron con contundencia ente les provocaciones policiales. El
balance ye de delles persones mancaes, y al menos dos trabayadores
deteníos.
El vienres siguen les movilizaciones, nel contestu d'una
fuelga indefinida que siguirá dexando imáxenes de combatividá y llucha
en defensa del futuru d'un seutor imprescindible nel caltenimientu
económicu de bona parte del territoriu asturianu.
InfoAsturies.com
