Prósimu sabadu 26 de mayu a les 13h concentración na cai Fruela d’Uviéu
ente’l edificiu la Xunta Xeneral baxo’l llema “Asturies Decide”.
Les menacies d’intervención a Asturies por parte del Estáu español suponen el mayor ataque dende’l franquismu a la yá de por sí percurtia autonomía asturiana y un fechu ensin precedentes que dexise ensin dubia una rempuesta popular.
Les menacies d’intervención a Asturies por parte del Estáu español suponen el mayor ataque dende’l franquismu a la yá de por sí percurtia autonomía asturiana y un fechu ensin precedentes que dexise ensin dubia una rempuesta popular.
Poro, baxo’l llema “Asturies Decide” preténdese aconceyar a aquelles presones, ciudadanos y ciudadanes d’Asturies, fartucos de la falta respetu cola que’l Estáu español trata al Pueblu Asturianu y a les sos instituciones de gobiernu y que se utilize’l nuesu país como llaboratoriu onde enseyar les sos politiques de recentralización.
Col entamu d’esta convocatoria defiéndense les instituciones asturianes y la capacidá del Pueblu Asturianu p’autogobernase y decidir por sí mesmu.
Denúnciase tamién la incapacidá de la clas política qu’angüañu ocupa los escaños na Xunta Xeneral pa defender con dignidá los intereses asturianos y conséñase la responsabilidá del conxuntu los partíos políticos ellí representaos que mos empobinaron a esta situación de crisis política, social y económica.
Asturies tien capacidá pa decidir el so destín ensin inxerencies nin intervenciones ayenes como s’amosó n’otres dómines poro pretende recordase tamién la fecha hestórica del 25 de mayu de 1808 cuando un movimientu popular llevó a la Xunta Xeneral a proclamase soberana.
¡Pola defensa de les instituciones asturianes, del nuesu drechu a decidir, en conmemoración de la declaración de soberanía del 25 de mayu de 1808!
¡ASTURIES DECIDE!
(Esta convocatoria nun naz dende nenguna organización política, sinon d'estremaes persones que la entamen a título personal)
