jueves, 20 de septiembre de 2012

Piden cuatro años de prisión a un obreru acusáu de llanzar voladores contra la G.Civil

La Fiscalía solicitó una conderga de cuatro años de prisión pa un obreru acusáu de llanzar voladores escontra la Guardia Civil española nuna barricada nel conceyu L.lena durante'l conflictu mineru.
La Fiscalía presentó 'l primer escritu d'acusación deriváu de les decenes de detenciones producíes durante les movilizaciones mineres, onde munches persones foron prindaes y posteriormente puestes en llibertá con cargos. Nesti casu, el ministeriu fiscal solicita cuatro años de cárcel pa un obreru por "llanzar voladores con un tubu de metal y oxetos d'aceru con gomeros a la Guardia Civil" nuna barricada, con un agravante por dir cola cara cubierta y una gorra.
La barricada en custión foi la llantada n'A-66 a l'altura del conceyu L.lena'l pasáu 12 de Xunu, nuna movilización de varies centenares de persones que formaron una barricada con neumáticos en llames, y que depués foi defendida con alfrentamientos ante les fuercies policiales dientru del conflictu mineru marcáu pola represión constante de policía y Guardia Civil non sólo contra los y les participantes nes movilizaciones, sinon tamién contra población civil ayena a ello.