jueves, 22 de noviembre de 2012

El SUP pide "identificar" a los participantes na concentración frente a la comisaría'l 14P

El sindicatu policial pidió "la identificación" de les persones participantes na concentración pola llibertá de los cuatro deteníos el 14 de Payares, tres la manifestación del sindicalismu alternativu.
La seición del Sindicatu Unitariu de Policía n'Asturies rexistró una petición pa que la Xefatura Superior de Policía abra una investigación alrodiu de la concentración que tuvo llugar el 14 de Payares frente a les dependencies policiales. L'aición de protesta foi motivada pola detención de cuatro compañeros durante la xornada de fuelga xeneral, polo que miles de solidarios y solidaries treslladáronse tres la manifestación del sindicalismu alternativu frente a comisaría, cortando les cais hasta la lliberación de los prindaos.
El SUP califica esti fechu como "un asediu", amás d' "illegal". El sindicalismu policial vien amosando dende la fuelga xeneral el so maltar por esta aición, y ye que la masiva y determinante rempuesta popular contra la represión policial nun sentó bien ente'l coleutivu policial, que pide "depurar responsabilidaes" ante una concentración solidaria y que se desendolcó de mena pacífica dafechu.