¡ASTURIES EN PIE!
¡Asturies en pie!, realizó una presentación pública de la campaña “Pola Xusticia Social”. Les lluches pola Xusticia Social, contra los retayos, polos derechos llaborales y sociales de les y los trabayadores y, a la fin, la marraza por una vida digna pa toles persones, ta saldándose con represión, detenciones, golpes y pidimientos de cárcel. Un grupu de 15 persones provenientes d’abondos puntos de la xeografía asturiana ya imputaes pola so llucha n’estremaos conflictos (fuelga xeneral, minería, paru, deshaucios, Caxastur, especulación urbanística...) y con peticiones o probatibles peticiones de cárcel, van esponer les sos reivindicaciones y van plantegar la necesidá d’esparder la nuesa solidaridá a cualisquier persona represaliada. L’oxetivu d’esta campaña ye siguir engabitando toles lluches que tán dándose n’Asturies, pero, al empar, crear una rede solidaridá para coles persones que son represaliaes de resultes del so compromisu social. ¡Nin una persona sola ante la represión!. ¡Nin una persona sola na llucha pola Xusticia Social!.
(Formen parte de ¡Asturies en Pie!: CSI, CGT, CNT, SUATEA, FUSOA, Centru Social Autoxestionáu La Semiente, Centru Social Sestaferia, Asociación Picu Rabicu, Para@s y Precari@s d’Asturies....).
No hay comentarios:
Publicar un comentario