La seición educativa de la Corriente Sindical d'Izquierda entama una
manifestación, contra la LOMCE y en defensa de la educación pública.
La estaya d'educación de la Corriente Sindical d'Izquierda refuga
dafechu'l proyeutu educativu del Ministru d'Educación, Jose Ignacio
Wert, la polémica LOMCE, por numberoses custiones. Como asuntos
destacaos, dende CSI-Educación denuncien la posibilidá de reconversión
de les plantilles docentes, l'otorgamientu de "superpoderes" a los
direutores de los centros educativos, y una reforma de la estructura de
la ESO que consideren perxudicial.
Por too ello, convoquen un manifestamientu "pola defensa de la
escuela pública", y polo tanto en refugu a la LOMCE o "Llei Wert", el
prósimu xueves 13 d'Avientu de magar les 18:00 hores, con salida na
Plaza L'Humedal de Xixón. Poro, llamen a la participación nesta
movilización, p'amosar de nueu que'l pueblu asturianu nun quier la
imposición d'esti proyeutu educativu del gobiernu español.
