Vistas de página en total

sábado, 15 de diciembre de 2012

La CSI desixe la llibertá ensin cargos de Alfon

CSI desixe la puesta en llibertá ensin cargos pa Alfonso Fernández, detenío durante la fuelga xeneral del 14 de Payares. 
 
Pa la CSI ye intolerable que s’encarcele a les persones que namás defenden los sos derechos, mientres los verdaderos criminales, culpables de la crisis-estafa que carecemos, siguen arriqueciéndose cola más absoluta impunidá.
El casu de Alfon, en réxime de FIES (Ficheru d’Internos d’Especial Siguimientu), resulta d’un especial asañamientu, fora de too llugar, al qu’hai que poner fin de manera inmediata.
Despídennos, emprobécennos, nos desahucian, quítennos nuesa salú, conviértennos en mano d’obra analfabeta y, si protestamos, múltennos, túndennos, detiénennos y encarcélennos. Ellos son los verdaderos criminales.
El 14 de payares, munches persones, resultaron tundíes, deteníes y encausaes por salir a la cai a defender los sos derechos; por pidir un trabayu, por querer salir del paru y de la probeza a. Tán imputaes por defender el pan y los derechos de toes y toos. Agora, nun podemos dexales soles. Hai que consiguir la so absolución y que se castigue a los verdaderos culpables de la crisis, a quien s’arriquecen gracies a nos y a quien nos conderguen a la miseria.

¡LLIBERTÁ ENSIN CARGOS PA ALFON Y PA TOLES IMPUTAES NES PASAES FUELGUES XENERALES!