Asturies ye'l territoriu del estáu nel que más xente siguió les convocatories de fuelga durante l'añu 2012.
El Ministeriu d'Empléu del gobiernu estatal asoleyó unes cifres de
seguimientu de les convocatories de fuelga nes distintes comunidaes que
componen l'estáu español hasta'l mes de setiembre. Según dichos
númberos, Asturies ye'l territoriu nel que más persones ficieron fuelga,
per delantre d'otres comunidaes como Madrid o Catalunya, que s'atopen
mui penrriba del nuesu país en cuantes a númberu d'habitantes.
Amás de tar a la tiesta en cantidá de persones que sofitaron les
fuelgues, Asturies ye'l segundu llugar nel qu'hebo más díes de parones,
con 212 y sólo per detrás de Castiella- La Mancha. El conflictu mineru,
la fuelga del tresporte, los parones del coleutivu d'interinos nel
seutor educativu, y otres munches movilizaciones conformaron estes
cifres, allargaes dende setiembre por otros conflictos con fuelga como'l
de la sanidá pública.
