jueves, 31 de enero de 2013

Les Asamblees d'Estudiantes de la Universidá d'Uviéu torgaron la entrada al Conseyu Social como actu de protesta.


Decenes d'estudiantes ocuparon dende pela mañana les escaleres que dan accesu al Conseyu Social, impidiendo asina a los y les plenaries llegar a esti aconceyamientu, nel que l'envís yera aprobar los presupuestos universitarios pa 2013. Como ye sabío, el coleutivu estudiantil refuga frontalmente'l conteníu presupuestariu, polo que desendolcó esta aición de protesta qu'impidió'l normal furrulamientu del órganu, teniendo que treslladase los componentes fuera del llugar.
Los y les plenaries foron escoltaes hasta l'edificiu hestóricu, onde se realizó l'aconceyamientu coles instalaciones zarraes dafechu, lo que según despliquen llegó a torgar el pasu a trabayadores de les instalaciones al so puestu de trabayu. Pa les Asamblees d'Estudiantes de la Universidá d'Uviéu, esta actuación amosa que "la Universidá ta secuestrada poles grandes empreses y financieros más influyentes d'Asturies", al tiempu que desixen la inmediata comparecencia de Gotor pa desplicar l'aición.



No hay comentarios:

Publicar un comentario